Yr Wythnos Gyntaf

 

Llun ohonaf gyda fy ngwisg newydd yn y fan byddaf yn defnyddio yn ystod y flwyddyn nesaf

Y Diwrnod Cyntaf

Dechreuodd yr wythnos cyntaf gyda chyfarfod nifer o bobl newydd a gael taith o'r prif adeilad y Parc Cenedlaethol ym Mhenrhyndeudraeth. Cefais y gyfle i gyfarfod y tim a gael cychwyn ar y papur gwaith ymrestru. 

Roedd angen cael cyfarfod gyda staff Coleg Cambria hefyd i drafod dyddiadau'r cwrs cadwraeth i mi a pha pynciau rydw i wedi cael diddordeb ynddi. Ar hyn o bryd rwyf wedi cael ddiddordeb yn:

• Rheoli a chadwraeth gwylptiroedd
• Diogelu gwylptiroedd
• Llwybrau a mynediad i'r Parc Cenedlaethol (yn benodol y Carneddau)
• Cynnal a chadw llwybrau a waliau cerrig.

                                                                                                            ... a mwy! 

Roedd ganoedd o gyrsiau i'w ddewis, felly os rwy'n teimlo bod dydy un o'r cyrsiau ddim i fi, bydd dim problem i mi newid gyda ddigon o sylw. Mae staff a fy nhiwtor Coleg Cambria wedi bod yn gefnogol iawn ar gyfer fy ddewisiadau ac rwy'n edrych ymlaen at gychwyn y gwaith.

Es i am dro wedyn i weld y storfa anferth ble mae nifer o'r offer/cerbydau/peiriannau'r parc yn gael ei gadw. Roeddwn i'n dysgu llawer gan fy rheolwr llinell, Rhydian Roberts, am pwrpasau nifer o'r offer a ble fyddai'n debygol o'u defnyddio yn ystod y flwyddyn i ddod.

Wedi hynny, cefais: Y NEMO.

(Nid Nemo Parc Cenedlaethol yw hwn)

Y Nemo pawb yw'r fan byddaf yn defnyddio ar gyfer mynd a dod ar draws y Parc Cenedlaethol. Roedd angen bach o "touch-up" a llnau ar gyfer fy safon i ond yn gyffredinol roeddwn i'n cynhyrfus iawn i'w drio allan. Er hynny, roeddwn i'n drysu braidd yn meddwl mai'r pysgodyn Nemo roedd pawb yn siarad am.

Cyn i mi wybod, roedd fy ddiwrnod cyntaf drosodd ac roedd amser i mi gyrru Nemo adref i safle Partneriaeth Tirwedd y Carneddau ym Methesda.

Diwrnodau 2, 3 a 4

Roedd rhan fwyaf o fy wythnos cyntaf wedi'i wario yng Ngholeg Meirion Dwyfor yn Glynllifon ar gwrs Chwynladdwyr. Cymerwyd y cwrs yma 3 diwrnod i'w gwblhau yn ogystal a diwrnod arall nes ymlaen ar gyfer y profion theori ac ymarferol. 

Llun ohonaf ar y Cwrs Chwynladdwyr gyda'r 'Knapsack' ar fy nghefn

Dysgais nifer o bethau am chwynladdwyr ar y cwrs yma yn gynnwys beth yw chwynladdwyr, sut i'w ddefnyddio'n diogel a beth yw'r deddfau/rheoliadau i'r rheini sydd gyda tystysgrif i'w ddefnyddio.

Y Cwrs roedd: Coleg Meirion Dwyfor, Glynllifon - Pesticides

Mi wnes i cwblhau'r adrannau:

• PA1 = Defnydd Diogel o Chwynladdwyr
• PAW = Chwynladdwyr wrth ymyl dwr
• PA6 = Pigiad Coesyn Planhigyn gyda Chwynladdwyr

Cefais llawer o hwyl ar y cwrs yma wrth dysgu sut i geisio chwynladdwyr a'r ymarferion hefyd gyda'r 'Knapsack'. Roedd hefyd cyfle i mi ymweld a'r anifeiliaid yn yr adeiladau agos, sydd yn anrheg i mi fel ymenydd swolegydd. 

(Ar y dde) Dyma llun ohonaf yn gafael chameleon yn ystod egwyl y cwrs. Diolch i'r staff Technegwyr/Gofalwyr Anifeiliaid yno am adael i mi grwydro. 

Gorffennais y cwrs yn hyderus ac yn barod am y profion yr wythnos wedyn. Diolch i Geoff Bassett am ein dysgu. 

Diwrnod 5

Yn sydyn iawn diwrnod olaf o fy wythnos cyntaf. Roedd hi wedi bod yn wythnos diddorol tan hynny ac roedd heddiw am ei wneud yn well byth!

Cychwynais y dydd yn ymweld a'r meithrinfa coed sydd gan y Parc Cenedlaethol yn Henfaes, Abergwyngregyn. Mae'r maes wedi'i berchen gan Prifysgol Bangor. Mi wnes i gyfarfod mwy o'r tim wardeiniaid y Parc a chael cylchdaith o'r meithrinfa a pha waith chwynnu/dyfrio byddwn yn gwneud. 

Treuliais y bore yn chwynnu ac ymarfer fy ngwybod ar rywogaethau coed. Mae gen i lot o astudio ac ymarfer i'w wneud! 

I orffen y dydd, mi wnes i gyfarfod Beca Roberts (Swyddog Ymgysylltu Cymunedol), Abbie Edwards (Rheolwr Cynllun - Partneriaeth y Carneddau'n benodol) a Chymdeithas Eryri ar daith i fyny Moel Faban. Pwrpas y taith roedd dysgu unigolion am hanes yr ardal sydd yn gysylltiedig gyda'r Carneddau a pham bod y cynllun Partneriaeth Tirwedd y Carneddau mor bwysig i'r cymunedau sydd o'u hamgylch. 

Beca Roberts, yn darlitho hanes Bethesda a'r Carneddau ar ein taith i fyny Moel Faban

Mi wnes i ddysgu llawer o bethau gan Beca ac Abbie hefyd. Roedd llawer o wybodaeth ganddyn nhw i rannu, nifer doeddwn i heb clywed o'r blaen yn enwedig fel person brodorol i'r ardal. Mae gymaint o hanes archeolegol i'w weld ar Foel Faban yn ogystal a hanes chwarelwyr, brenhinol a hefyd tystiolaeth o bobl yn yr Oes Efydd.

Roedd y taith yma yn berffaith i mi orffen fy wythnos cyntaf. Rhoddwn diolch i bawb aeth gwneud hi'n arbennig iawn ac rwy'n edrych ymlaen at yr 51 wythnos i ddod!